Elm adamları yeni müalicə üsulu ilə qadınlarda ölümlə nəticələnə bilən doğuşdan sonrakı qanaxmaların (PPH) 60 faiz azala biləcəyini bildiriblər.

Aztibb.az-ın medimagazin.com.tr-yə istinadla məlumatına görə, Birmingem Universiteti və Ümumdünya Səhiyyə Təşkilatının (ÜST) tədqiqatçıları tərəfindən hazırlanmış E-MOTIVE adlı yeni üsul doğuşdan sonrakı qanaxma nəticəsində yaranan ölüm hallarının azaldılmasında mühüm addımdır.

Dörd ölkədən 200.000-dən çox qadının iştirak etdiyi araşdırmada, qan toplama cihazı ilə qan itkisi nisbətləri dəqiq ölçülən və ÜST-nin tövsiyə etdiyi müalicə üsullarının tətbiq olunduğu qadınlarda qanaxma nisbətlərinin yüzdə 60 azaldığı görülüb.

“Normal doğuşdan sonra 24 saat ərzində 500 millilitrdən çox qan itkisi” olaraq təyin olunan doğuşdan sonrakı qanaxma bütün dünyada ana ölümünün əsas səbəbləri sırasındadır. PPH səbəbiylə hər 6 dəqiqədə bir qadın ölür.

Yeni müalicə üsulu E-MOTIVE, PPH-nin erkən və tam aşkarlanmasına imkan verir, eyni zamanda, qanaxmanın gecikmiş aşkarlanması və müvafiq müalicələrin ardıcıl tətbiqi əvvəlki üsul effektiv olmadıqda PPH-dən ölümlə nəticələnə bilər.