Aztibb.az-ın “Həkimlərimizi tanıyaq!” rubrikasının bu dəfəki qonağı Abbas Səhhət adına xəstəxananın Radiologiya şöbəsinin şüa-diaqnostika üzrə həkimi Aytac Rəhimovadır.
Aytac Rəhimova 16 sentyabr 1981-ci ildə Gəncə şəhərində anadan olub. 1999-2005-ci illərdə Azərbaycan Tibb Universitetinin Müalicə-profilaktika fakültəsində ali təhsil alıb. 2005-2006-cı illərdə akad.Z.Məmmədov adına xəstəxanada funksional -diaqnostika üzrə internatura kursu keçib.
O, 2006-2010-cu illərdə Rusiya Federasiyasında və Türkiyədə təkmilləşmə kurslarında iştirak edib. 2010-cu ildən Abbas Səhhət adına xəstəxananın II Terapiya şöbəsində həkim-radioloq kimi fəaliyyətə başlayıb. Hazırda fəaliyyətini həmin şöbədə şüa-diaqnostika üzrə həkim kimi davam etdirir.
Həkimin müayinə etdiyi sahələrə - tiroid vəzi, süd vəzi, tam abdomen, uroloji, ginekoloji-obstetrik, yumşaq səthi toxumalar, pediatrik müayinələr və s. aiddir.
