Mərkəzdən Aztibb.az-a bildirilib ki, tədbirdə ilk olaraq Azərbaycan Respublikasının Dövlət Himni səsləndirilib. Daha sonra Ümummilli Lider Heydər Əliyevin əziz xatirəsi bir dəqiqəlik sükutla yad edilib.

 

Binəqədi Tibb Mərkəzinin baş həkimi Rafiq Nağıyev Ümummilli Liderin səhiyyə sahəsində apardığı uğurlu islahatların səhiyyəmizin inkişafına verdiyi töhfələrdən danışıb. Baş həkim Ulu Öndərin azərbaycançılıq ideologiyasının Azərbaycanı böyük zəfərə apardığını qeyd edib.

 

Poliklinika şöbəsinin müdiri Firuzə Həsənova çıxışında Ümummilli Lider Heydər Əliyevin ordu quruculuğu sahəsində apardığı uğurlu islahatların Vətən müharibəsində qazanılan şanlı zəfəri xalqımıza bəxş etdiyini vurğulayıb.

 

Tədbiri yekun nitqlə bitirən Binəqədi Tibb Mərkəzinin direktoru Əsədulla Sultanov Ulu Öndərin Azərbaycan dövlətçiliyi tarixindəki misilsiz xidmətlərindən bəhs edib. Direktor xalqımızın dahi liderinin ilk dəfə hakimiyyətə gəlişinin Azərbaycanı SSRİ-də özünü təmin edən ikinci respublikaya çevirdiyini bildirib. Müstəqillik illərində çətin şəraitdə xalqın təkidi ilə hakimiyyətə qayıdan Ulu Öndərin Azərbaycanı parçalanmaqdan xilas etdiyini, müasir Azərbaycanın əsasını qoyduğunu qeyd edib. O, Ümummilli Liderin təməlini qoyduğu müasir Azərbaycanın onun layiqli davamçısı Prezident İlham Əliyev tərəfindən dünyada söz sahibi olan, heç kimdən asılı olmayan, dayanıqlı inkişaf yolunda olan ölkəyə çevirdiyini vurğulayıb.