Milli Hematologiya və Transfuziologiya Mərkəzində Ulu Öndər Heydər Əliyevin anadan olmasının 100 illiyinə həsr edilmiş Beynəlxalq Talassemiya Günü ilə bağlı tədbir keçirilib.

Bu barədə Aztibb.az-a Mərkəzdən xəbər verilib.

Əvvəlcə Ümummilli Lider Heydər Əliyevin əziz xatirəsi bir dəqiqəlik sükütla yad edilib, Milli Hematologiya və Transfuziologiya Mərkəzi tərəfindən hazırlanmış Ulu Öndər Heydər Əliyevə həsr olunan videoçarx nümayiş etdirilib.

Tədbirdə Azərbaycan Respublikası Səhiyyə Nazirliyinin Səhiyyənin təşkili şöbəsinin müdiri Fazil Hüseynbəyov, İcbari Tibbi Sığorta üzrə Dövlət Agentliyinin Monitorinq şöbəsinin müdiri Bəyalı Məmmədov, TƏBİB-in Xüsusi profilli tibbi xidmətlərin təşkili şöbəsinin müdiri Vüsal Yusifov məruzələrlə çıxış ediblər. Məruzələrdə Ulu Öndərin Azərbaycan səhiyyəsinə olan qayğısından və 8 may tarixinin dünyada, o cümlədən ölkəmizdə Beynəlxalq Talassemiya Günü kimi qeyd olunmasından danışılıb.

Daha sonra Milli Hematologiya və Transfuziologiya Mərkəzinin İcraçı direktoru Valeh Hüseynov "Talassemiya ilə mübarizəyə dair Dövlət Proqramı" çərçivəsində görülən işlərdən bəhs edib.

Konfransa onlayn formatda Beynəlxalq Talassemiya Federasiyasının tibbi məsləhəhətçisi Michael Angastiniosis və Antalya Bilim Universitesinin professoru Duran Canatan da qoşularaq təcrübələrini bölüşüblər.

Daha sonra Azərbaycan Talassemiya Federasiyası Pasiyent Təşkilatının sədri Nailə Quliyeva və federasiyanın bölgələr üzrə nümayəndələri çıxış ediblər.

Sonda iştirakçılara Mərkəz tərəfindən təşəkkürnamələr təqdim edilib.