Türkiyədə "Sümük oynağı cərrahiyyəsi" mövzusunda beynəlxalq konfrans keçirilib. Artroplastikanın aktual məsələlərinin müzakirə edildiyi “Diz artroplastikasında revizyonun səbəbləri” paneli Səhiyyə nazirinin müavini, t.e.d. İlqar Qasımovun moderatorluğu ilə gerçəkləşib.

Bu barədə Aztibb.az-a Səhiyyə Nazirliyindən məlumat verilib.

Bildirilib ki, beynəlxalq tədbirdə, həmçinin Səhiyyə Nazirliyi Elmi-Tədqiqat Travmatologiya və Ortopediya İnstitutunun həkimləri - t.ü.f.d. Kamil Eyvazov və t.e.d. Cəbrayıl Ələkbərov da iştirak ediblər.

Kamil Eyvazov “Skolioz deformasiyasında onurğa biomexanikası", Cəbrayıl Ələkbərov isə "Bitişməyən sınıqların İlizarov Metodu ilə müalicəsi" mövzusunda məruzələrlə çıxış ediblər.