Gəncə Şəhər Birləşmiş Xəstəxanası (ŞBX) tərəfindən Ulu Öndər Heydər Əliyevin 100 illiyi ilə bağlı Gəncə şəhər 4 saylı Psixonevroloji Sosial Xidmət müəssisəsinin sakinləri üçün tibbi müayinə aksiyası təşkil edilib.
Gəncə ŞBX-dan Aztibb.az-a verilən xəbərə görə, müəssisənin həkim-mütəxəssisləri müvafiq tibbi avadanlıqlarla Sosial xidmət müəssisəsinin sakinlərini müayinə ediblər. Onlara terapevtik, flüoqrafik, kardioloji, nevroloji, dermatoloq, stomatoloji xidmətlər göstərilib.
Bundan başqa, qan nümunələri götürülüb, rentgen, USM müayinəsi həyata keçirilib. Aparılan müayinələr nəticəsində aşkar olunan xəstəliklərə uyğun müalicələr təyin edilib. Aksiyada təxminən 100-ə yaxın şəxs müayinə olunub.
Belə tədbirlərin təşkili sosial xidmət müəssisəsinin sakinlərinin sağlamlığının qorunmasına, xəstəliklərin erkən aşkarlanması və qarşısının alınmasına xidmət edir.