Azərbaycan Respublikasında 2023- cü ilin "Heydər Əliyev İli" elan edilməsi haqqında Azərbaycan Respublikası Prezidentinin 29 sentyabr 2022- ci il tarixli Sərəncamına əsasən tərtib edilmiş Tədbirlər planına uyğun olaraq Xaçmaz Rayon Mərkəzi Xəstəxanasının təşkilatçılığı ilə ətraf kəndlərin sakinləri üçün səyyar tibbi müayinə aksiyaları təşkil olunur. Növbəti səyyar tibbi müayinə aksiyası Hülövlü həkim məntəqəsində baş tutub.

 

Xaçmaz Rayon Mərkəzi Xəstəxanasından Aztibb.az-a bildirilib ki, aksiya çərçivəsində tibb müəssisəsinin müxtəlif ixtisaslı (terapevt, nevroloq, pediatr, ultrasəs müayinəsi üzrə həkim (USM), otorinlorinqoloq) həkimləri tərəfindən 51 nəfər müayinələrdən keçirilib, onlara ümumilikdə 80 tibbi xidmət göstərilib.

 

Tibbi göstəriş əsasında vətəndaşlardan labarator analizlər götürülüb, nəticəyə uyğun olaraq onlar müalicəyə cəlb olunublar.

 

Səyyar tibbi müayinələr digər ətraf kəndlərdə də davam etdiriləcək.