Ümumdünya Səhiyyə Təşkilatı (ÜST) ictimai səhiyyədə beynəlxalq narahatlıq yaradan COVID-19-la bağlı fövqəladə vəziyyətin başa çatdığını elan edib.

Aztibb.az edition.cnn.com-a istinadla bildirir ki, ÜST-nin baş direktoru Tedros Adhanom Qebreyesus koronavirusla bağlı fövqəladə vəziyyət rejimi ləğv edilsə də, pandemiyanın hələ də davam etdiyini açıqlayıb.

"Biz COVID-19-la mübarizəni səhiyyə sistemlərinə necə inteqrasiya edəcəyimizi öyrənməliyik. Başlıca problem ondadır ki, virus mutasiyaya uğramaqda davam edir. Hər həftə minlərlə insan ölür, yüz minlərlə insan xəstəxanalara düşür və milyonlarla insan bu xəstəliyə yoluxur. Biz böhran fazasında deyilik, lakin ayıqlığı qoruyub saxlamağımız vacibdir”, - deyə o, əlavə edib.