Nadir rast gəlinən uşaqlıq anomaliyası, uterus unicornuate, yəni birbuynuzlu uşaqlıq problemləri olan qadın 8 il sonsuzluq sonrası ATU-nun Tədris Cərrahiyyə Klinikasında ana olub.

Aztibb.az xəbər verir ki, bu barədə ATU-nun Mama ginekologiya kafedrasının dosenti, tibb üzrə fəlsəfə doktoru Arzu İsmayilova məlumat verib.

Onun sözlərinə görə, pasiyentdə birbuynuzlu uşaqlıq müller axacağı anomaliyası, eyni zamanda, mezo-nefral axacaq sisteminin anomaliyası olub, bir böyrək yoxdur. Yumurtalığın biri qarın boşluğunda, o birisi retroperitoneal sahədə yerləşib:

"Hamiləlik çox riskli keçdi, serklyaj etdik, vaxtından qabaq doğuş təhlükəsi olsa da, hamiləlik 36-cı həftədə sona çatdı. Preeklampsiya ilə ağırlaşmasına baxmayaraq, 2290 qr çəkidə oğlan balamız sağ-salamat dünyaya gəldi".