“Heydər Əliyev İli” ilə əlaqədar “Ağsu Rayon Mərkəzi Xəstəxanası” publik hüquqi şəxsdə “Heydər Əliyev müstəqil Azərbaycanın memarı və qurucusudur” mövzusunda tədbir keçirilib.

 

Xəstəxanadan Aztibb.az-a bildirilib ki, öncə Dövlət Himni səsləndirilib. Ulu Öndər Heydər Əliyevin və torpaqlarımızın işğaldan azad olunması uğrunda canlarını qurban vermiş şəhidlərimizin xatirəsi bir dəqiqəlik sükutla yad edilib.

 

Sonra Ümummilli Lider Heydər Əliyevin həyat və fəaliyyətindən bəhs edən videoçarx nümayiş olunub.

 

Tədbiri giriş sözü ilə açan “Ağsu RMX” PHŞ-nin direktoru Əli Hüseynov bildirib ki, Heydər Əliyev irsi milli dövlətçilik tarixidir. Onun sözlərinə görə, Ulu Öndər bir-birindən kəskin fərqlənən iki ayrı dövrdə - həm SSRİ dövründə, həm də müstəqillik illərində respublikamıza uğurla rəhbərlik edib.

 

Əli Hüseynov vurğulayıb ki, Ulu Öndər hakimiyyətdə olduğu illərdə Azərbaycanı sosial-iqtisadi, ictimai-siyasi və mədəni cəhətdən inkişaf etmiş bir ölkəyə çevirib. Azərbaycanın hərtərəfli inkişafı məhz Ümummilli Lider Heydər Əliyevin adı, şəxsiyyəti, dövlətçilik təfəkkürü, idarəetmə məharəti və yorulmaz fəaliyyəti ilə bağlıdır. Ən yüksək tribunalardan böyük fəxrlə “Mən həmişə fəxr etmişəm, bu gündə fəxr edirəm ki, mən Azərbaycanlıyam” - deyən dahi şəxsiyyət dövlətçilik tariximizin müasir mərhələsinin əsasını qoyub.

 

Daha sonra ”Ağsu RMX”PHŞ-ın endokrinoloqu İsmayıl Şirinov,ASM bölmə müdiri Ömər Babayev, ümumi cərrah Fazil Əzizov, Rayon İcra Hakimiyyəti başçısının müavini Sevil Mirzəliyeva çıxış edərək bildiriblər ki, Ulu Öndər Heydər Əliyev xalqımızın xilaskarı, müasir müstəqil Azərbaycan dövlətinin banisi olaraq adını tarixə qızıl hərflərlə yazdırıb. Heydər Əliyevin müstəqillik dönəmində ölkəmizə rəhbərlik etdiyi dövr, eyni zamanda, Azərbaycanı böyük zəfərə aparan yolun başlanğıcı olmuşdur.

 

Çıxış edənlər Ulu Öndərin 44 günlük Vətən müharibəsi zəfərinin şəriksiz müəllifi, Qarabağın xilaskarı, ata vəsiyyətini yerinə yetirən Prezident İlham Əliyev kimi məharətli və güclü siyasi lider yetişdirməsindən də bəhs ediblər.