Gənc həkim Sürəyya Cabbarova Gəncə Şəhər Birləşmiş Xəstəxanasının tabeliyindəki Perinatal Mərkəzdə fəaliyyətə başlayıb.

 

Bu barədə Xəstəxanadan Aztibb.az-a bildirilib.

 

Qeyd olunub ki, Sürəyya Cabbarova 18 aprel 1993-cü ildə Tərtər şəhərində anadan olub. O, 2010-2016-cı illərdə Azərbaycan Tibb Universitetinin Müalicə-profilaktika fakültəsində təhsil alıb. 2016-cı ildə Mərkəzi Klinikada mama-ginekologiya ixtisasi üzrə rezidentura təhsilinə başlayıb. 2018-2019-cu illərdə Türkiyənin Sakarya şəhərində Sakarya Universitetinin “Egitim araşdırma” xəstəxanasında ixtisası üzrə kurs keçib. Bundan başqa, Sürəyya Cabbarova Bakı və Sumqayıt şəhərlərində özəl klinikalarda mama-ginekoloq kimi də fəaliyyət göstərib.

 

Sürəyya xanım riskli hamiləlik təqibi, hamiləliyin USM təqibi, ginekoloji USM ilə məşğul olur, sonsuzluq kimi xəstəliyi müalicə edir, bununla yanaşı təbii doğuş, keysəriyyə, açıq ginekoloji və laparoskopik əməliyyatları həyata keçirir.