AR Elm və Təhsil Nazirliyinin Molekulyar Biologiya və Biotexnologiyalar İnstitutunda  istehsalat təcrübəsi keçən Bakı Dövlət Universitetinin (BDU) Biologiya fakültəsinin IV kurs tələbələrinin qazandıqları təcrübi bacarıqlar, iştirak etdikləri elmi tədqiqat işləri haqqında təqdimatları davam edib.

İnstitutdan Aztibb.az-a bildiriliv ki, müəssisənin Bioadaptasiya, Bitki biotexnologiyası, Populyasiya genomiksi laboratoriyalarında təcrübə keçmiş tələbələrin çıxışları dinlənilib.

Tədbirdə AMEA-nın vitse-prezidenti, institutun baş direktoru, akademik İradə Hüseynova və institutun alimləri iştirak edib. Akademik İradə Hüseynova tələbələrin institutda aparılan işlərlə yaxından tanış olması, onların elmə cəlb olunması, elm-təhsil əlaqələrinin genişləndirilməsinin əhəmiyyətindən bəhs edərək gənclərə öz tövsiyələrini verib.