Arif Hüseynzadə adına 20-saylı məktəb-liseydə Ulu Öndər Heydər Əliyevin 100 illik yubileyinə həsr olunan “Kiçik akademiyanın” şagirdlərinin konfransı keçirilib.

Aztibb.az-a Biofizika İnstitutundan bildirilib ki, məktəbin 7-10-cu siniflərini əhatə edən konfransda “Kiçik akademiyanın” şagirdləri 2023-cü il ərzində ölkədaxili və beynəlxalq layihələrə təqdim etdikləri layihələri nümayiş etdiriblər. Layihələr arasında  Biofizika İnstitutunun mentorlarının istiqamət  və dəstək verdikləri “Health Al” və  “Eco-texnobot” layihələrinin də təqdimatı keçirilib.

Bundan başqa, konfransda Biofizika İnstitutunun Təhsil və beynəlxalq əlaqələr şöbəsinin müdiri, a.ü.f.d., dosent Həmayil Adıgözəlzadənin mentorluq etdiyi “Kiçik akademiyanın” şagirdi Ayan Səfərlinin Türkiyə Respublikasında keçirilmiş “TEKNOFEST” Aerokosmik və Texnologiya Festivalında təqdim etdiyi “Student check” layihəsi də nümayiş olunub.