TƏBİB-in tabeliyində olan Sumqayıt Tibb Mərkəzi (STM) “Heydər Əliyev İli” çərçivəsində tədbirləri davam etdirir.

 

Mərkəzdən Aztibb.az-a bildirilib ki, növbəti belə tədbir STM-in Təhlükəsizlik və mühafizə bölməsinin təşkilatçılığı ilə keçirilib.

 

Tədbirdə STM-in direktoru Səkinə Sadıxova, direktor müavinləri İlkin Namazov, Arzu Bəndəliyeva, Sumqayıt Şəhər İcra Hakimiyyətinin Vətən müharibəsi iştirakçıları və şəhid ailələrilə iş üzrə şöbənin müdiri Tərlan Hacızadə, bölmənin əməkdaşları və digər qonaqlar iştirak ediblər.

 

Tədbiri giriş sözü ilə açan STM-in direktoru Səkinə Sadıxova bildirib ki, "Heydər Əliyev İli" çərçivəsində ölkəmizin hər yerində və onun hüdudlarından kənarda silsilə tədbirlərin təşkil edildiyini, Ulu Öndərin xatirəsinin dərin ehtiram hissi ilə anıldığını bildirib. O, rəhbərlik etdiyi qurumun "Heydər Əliyev İli" çərçivəsində keçirdiyi tədbirlərdən söz açıb və bu kimi tədbirlərin il ərzində davam etdiriləcəyini diqqətə çatdırıb.

 

Çıxışında Təhlükəsizlik və mühafizə bölməsinin fəaliyyətinə də toxunan S.Sadıxova qurumun gördüyü işləri təqdir edib və STM-in tabeliyində olan müəssisələrdə mühafizə işinin yüksək şəkildə təşkil edildiyini vurğulayıb.

 

Qeyd edib ki, STM daim şəhid ailələrinə, qazilərə və müharibə veteranlarına diqqət və qayğı ilə yanaşır, bölmənin əməkdaşlarının əksəriyyəti isə məhz bu kateqoriyadan olan şəxslərdir.

 

Sonra direktor Səkinə Sadıxova Təhlükəsizlik və mühafizə bölməsinin müdiri Mahir Məmmədovu Fəxri fərmanla və bir qrup əməkdaşı isə Təşəkkürnamə ilə təltif edib.

 

Digər çıxışlarla davam edən tədbir bədii hissə ilə yekunlaşıb.