Salyan Rayon Mərkəzi Xəstəxanasında region həkimləri üçün Azərbaycan Radioloqlar Cəmiyyətinin “ARC” idarə heyətinin üzvləri tərəfindən təcrübi seminar keçirilib.

 

Xəstəxanadan Aztibb.az-a bildiriilib ki, seminarın təşkilində əsas məqsəd Azərbaycanda radiologiya elmini, müvafiq tibbi xidmətin keyfiyyətini təkmilləşdirmək və həkimlərin peşəkarlıq səviyyəsini artırmaqdır.

 

Tədbirə "ZOOM" platforması vasitəsilə ətraf rayonlardan radioloqlar, pediatrlar, fərqli ixtisaslı cərrah həkimlər də qatılıblar.

 

Seminarda t.ü.f.d. Yunus Əfəndiyev, t.ü.f.d. Elşad Sadıqov, prof. Franz Kaspar Fobbey, Azər Fərəc,  Kamran Yaqubov, Aydın Mirzəyev, Vüqar Məmmədzadə və Elşən Abdullayev mövzu üzrə məruzələrini təqdim ediblər.