Məlum olduğu kimi, hər həftənin II günləri Zaqatala Rayon Mərkəzi Xəstəxanasının direktoru Tamara Nurəliyevanın vətəndaş qəbulu günüdür.
Xəstəxanadan Aztibb.az-a bildirilib ki, aprel ayı ərzində Tamara Nurəliyeva 25 vətəndaşı qəbul edərək müraciətilərinə baxıb.
Vətəndaşların müraciətləri əsasən əlillik məsələləri, əmək münasibətləri, müayinə-müalicə, icbari tibbi sığorta çərçivəsində ixtisaslaşdırılmış tibb müəssisələrinə göndəriş vərəqələrinin verilməsi və dərman təminatı ilə bağlı olub. Müraciətlər diqqətlə dinlənilib və bir sıra məsələlər yerindəcə öz həllini tapıb. Digər müraciətlərin araşdırılması və qanunvericiliyə uyğun baxılması məqsədilə müvafiq struktur bölmələrinə tapşırıqlar verilib.
Vətəndaşların tibbi xidmətlərdən rahat şəkildə yararlanması xəstəxana rəhbərliyinin daim diqqət mərkəzində saxlanılır.
