Azərbaycan Respublikası Dövlət Gömrük Komitəsi Tibbi Xidmət İdarəsi Elmi-Təcrübi və Tədris Mərkəzinin rəisi, t.e.d. Rəşad Mahmudov və Mərkəzi Klinikanın baş həkimi, ürək-damar cərrahı Kamran Musayev İtaliyanın Verona şəhərində “Ürək mühəndisliyi: Əbədi xidmət üçün hazırlanıb: müxtəlif texnologiyaların köməyi ilə səbirli səyahət” adlı beynəlxalq tədbirdə iştirak ediblər.

Mərkəzi Gömrük Hospitalından Aztibb.az-a bildirilib ki, konfransda Azərbaycanın, İtaliyanın, Belçikanın, Almaniyanın, Fransanın, Serbiyanın nüfuzlu tibb müəssisələrinin yüksəkixtisaslı mütəxəssisləri kardiologiya, kardiocərrahiyyə üzrə müxtəlif mövzularda təqdimatlar ediblər.

İki hissədən ibarət olan beynəlxalq tədbirdə tibbin aktual problemlərinə həsr edilmiş “Aorta qapağının dəyişdirilməsində ömür boyu idarəetmə strategiyaları”, “Aorta qapağının dəyişdirilməsi üçün ən yaxşı əvəzedicinin uyğunluğu”, “PRO bioloji klapanlar”, “Aşağı intensivlikli antikoaqulyasiya protokolları”, “15 illik klinik istifadədə Perceval səyahəti”, “Perceval qapağının təkrar əməliyyatda istifadəsi”, “Degenerasiya olunmuş bioloji kökdə nə etməli?” və digər mövzularda mühazirələr dinlənilib.