Aprelin 27-dən etibarən TƏBİB-in tabeliyində olan tibb müəssisələrində Laçına köçürüləcək ailələrin tibbi müayinələrinə başlanıb.

Xətai Tibb Mərkəzindən (XTM) Aztibb.az-a bildirilib ki, Mərkəzdə 50 nəfər müayinədən keçib. Ümumilikdə 167 nəfər laçınlı XTM-ya tibbi müayinə üçün müraciət edib. 

Qeyd edək ki, tibbi müayinələr Qaçqınların və Məcburi Köçkünlərin İşləri üzrə Dövlət Komitəsi və TƏBİB arasında əməkdaşlıq çərçivəsində reallaşdırılır. TƏBİB tərəfindən memorandum çərçivəsində işğaldan azad olunmuş ərazilərə köçürülən şəxslərin ümumi tibbi müayinəsinin təşkili, həmçinin uşaqların təsdiqlənmiş Peyvənd Təqviminə əsasən müxtəlif yoluxucu xəstəliklər əleyhinə immunizasiyanın aparılması nəzərdə tutulub.

Əsas məqsəd işğaldan azad olunan ərazilərə köçürülən şəxslərin ümumi sağlamlıq vəziyyətlərinin müəyyən edilməsidir.