Xətai Tibb Mərkəzinin rəhbərliyi və kollektivi görkəmli oftalmoloq alim, akademik Zərifə xanım Əliyevanın anadan olmasının 100 illik yubileyi ilə əlaqədar Zərifə Əliyevanın adını daşıyan parkda onun xatirəsinə ucaldılmış abidəni ziyarət edib, abidə önünə tər güllər düzüb, alimin əziz xatirəsini ehtiramla yad ediblər. 

Bu barədə Aztibb.az-a Xətai Tibb Mərkəzindən məlumat verilib.

Mərkəzin direktoru Ələkbər Tağıyev akademik Zərifə xanım Əliyevanın zəngin elmi irsindən, tibb elminin inkişafına verdiyi əvəzsiz töhfələrdən söhbət açıb. Bildirib ki, görkəmli alimin keçdiyi şərəfli ömür yolu hər bir Azərbaycan vətəndaşı, hər bir alim və həkim üçün həyat, mənəviyyat dərsi, kamillik və müdriklik məktəbidir.