“Həkimlərimizi tanıyaq!” rubrikamızda Sizlərə peşəkarlığı ilə seçilən Mingəçevir Şəhər Mərkəzi Xəstəxanasının Doğum şöbəsinin Yeni Doğulmuşların İntensiv Terapiya bölməsinin həkim-neonotaloqu Məleykə Əsədlini təqdim edirik.
Məleykə Osman qızı Əsədli 26 fevral 1970-ci ildə Mingəçevir şəhərində anadan olub. 1988-1994-cü illərdə N.Nərimanov adına Azərbaycan Tibb İnstitutunun Pediatriya fakültəsində təhsil alıb. 1994-1995-ci illərdə Yardımlı Rayon Mərkəzi Xəstəxanasının Doğum şöbəsində internatura keçib. 1995-ci ildə həmin xəstəxanada həkim–neonatoloq kimi əmək fəaliyyətinə başlayıb.
O, 2008-ci ildə Gəncə Şəhər Regional Perinatal Mərkəzdə həkim–neonatoloq işləyib. 2010-cu ildə Mingəçevir ŞMX-nın Doğum evində həkim-neonatoloq, 2017-ci ildən etibarən isə Mingəçevir ŞMX-nın Doğum şöbəsinin Yeni Doğulmuşların İntensiv Terapiya bölməsində həkim-neonatoloq vəzifəsində çalışır.
