TƏBİB-in tabeliyində fəaliyyət göstərən M.Ə.Əfəndiyev adına Xətai Tibb Mərkəzində görkəmli oftalmoloq-alim, akademik Zərifə xanım Əliyevanın anadan olmasının 100-cü ildönümünə həsr edilmiş “Mənəviyyat zirvəsi, şəxsiyyət ucalığı” adlı tədbir keçirilib.

 

Mərkəzdən Aztibb.az-a bildirilib ki, əvvəlcə görkmli alimin xatirəsi bir dəqiqəlik sükutla yad edilib.

 

Tədbiri giriş sözü ilə Xətai Tibb Mərkəzinin direktoru Ələkbər Tağıyev açaraq Zərifə xanım Əliyevanın həyat və fəaliyyətindən bəhs edib. Bildirib ki, Zərifə Əliyevanın tibb elmi və oftalmologiya sahəsində açdığı önəmli yol bu gün də davam edir, yeni töhfələr verir.

 

Mərkəzin Sosial Tədbirlər Şöbəsinin məsulu Ruslan Qasımov Zərifə xanımın bir şəxsiyyət kimi Azərbaycan cəmiyyətində və dövlətçiliyində xidmətlərindən söhbət açıb.

 

Xətai Tibb Mərkəzinin oftalmoloqu Təranə Əliyeva Zərifə xanım Əliyevanın oftalmologiya sahəsində gördüyü işlərdən danışaraq, bu sahədə onun açdığı cığırla getməkdən qürur duyduğunu vurğulayıb.

 

Sonda akademik Zərifə Əliyevanın fəaliyyətindən bəhs edən videoçarx nümayiş olunub.