Nərimanov Tibb Mərkəzinin və Bakı Şəhər Mədəniyyət Baş İdarəsi Nərimanov rayon MKS-nin birgə təşkilatçılığı ilə görkəmli alim, akademik Zərifə xanım Əliyevanın anadan olmasının 100 illiyi münasibətilə "Elm və insanlığın zirvəsi" adlı tədbir keçirilib.

 

Aztibb.az-a Nərimanov Tibb Mərkəzindən verilən xəbərə görə, əvvəlcə akademik Zərifə Əliyevanın çoxşaxəli elmi fəaliyyətinə həsr olunmuş sərgi ilə tanışlıq olub.

 

Tədbirdə çıxış edən Nərimanov rayon MKS -nin əməkdaşları, eləcə də Nərimanov Tibb Mərkəzinin həkimləri Zərifə xanımın mənalı ömür yolundan, alimin oftalmologiya sahəsinə gətirdiyi yeniliklərdən bəhs edib, onun milli səhiyyəmizin inkişafında mükəmməl biliyə və bacarığa malik oftalmoloqların, ümumiyyətlə tibb işçilərinin hazırlanmasına böyük əmək sərf etdiyini vurğulayıblar. Bildirilib ki, görkəmli alimin keçdiyi şərəfli ömür yolu hər bir Azərbaycan vətəndaşı, hər bir alim və həkim üçün həyat, mənəviyyat dərsi, kamillik və müdriklik məktəbidir.

 

Daha sonra Zərifə Əliyevanın həyat və fəaliyyətinə həsr olunmuş videoçarx nümayiş olunub.