Antikoaqulyant müalicədə bir tərəfdən qan sulandırılır, digər tərəfdən qanaxma riski olduğu üçün çətin olur. Yeni bir molekul bu riski aradan qaldıra bilər.
Aztibb.az-ın medimagazin.com.tr-yə istinadla xəbərinə görə, "Nature Communications"da dərc olunan UBC və Michigan Universitetinin tədqiqatçılarının kəşflərindən sonra daha təhlükəsiz və təsirli qan durulaşdırıcılar hazırlanıb.
Antikoaqulyantlar və ya antitrombotik dərmanlar kimi tanınan qan durulaşdırıcılar qan laxtalanmalarının müalicəsində və qarşısının alınmasında çox vacibdir, lakin onlar əhəmiyyətli qanaxma riski daşıyırlar. Bu isə ağırlaşmalara səbəb ola bilər və bəzi xəstələrdə onların istifadəsi məhdudlaşdırıla bilər.
Tədqiqatçılar makromolekulyar polianion inhibitorları (MPI) 8 adlı yeni birləşmə hazırlayıblar ki, bu da qanaxma riskini artırmadan qan laxtalanmasının qarşısını almaq imkanına malikdir. Alimlər təbii laxtalanma prosesini pozmadan laxtanın əmələ gəlməsində iştirak edən xüsusi bir molekulu hədəf alaraq, bunun heyvanlarda daha təhlükəsiz olduğunu sübut ediblər.