Səhiyyə Nazirliyinin İctimai Səhiyyə və İslahatlar Mərkəzi (İSİM) və Ailə, Qadın və Uşaq Problemləri üzrə Dövlət Komitəsinin birgə əməkdaşlığı ilə 39 nömrəli tam orta məktəbdə sağlam həyat tərzi, sağlam qidalanmanın və fiziki aktivliyin əhəmiyyəti, zərərli vərdişlərin orqanizmə mənfi təsirlərinə dair maarifləndirici tədbir keçirilib.

 

 

İSİM-dən Aztibb.az-a bildirilib ki, Mərkəzin Layihələrin əlaqələndirilməsi şöbəsinin müdir müavini Ülkər Camalova tədbirdə çıxış edərək zərərli vərdişlərin insan sağlamlığına mənfi təsiri barədə ətraflı məlumat verib. Gənc nəslə sağlam həyat tərzi sürmək, gələcəyini məhv edən vərdişlərdən uzaq olmaq tövsiyə olunub.

 

Ailə, Qadın və Uşaq Problemləri üzrə Dövlət Komitəsinin əməkdaşı Nailə İbrahimova erkən yaşlardan başlayaraq sağlamlığın qayğısına qalmağın əhəmiyyətindən danışdı, sağlam həyat tərzi seçərək bir çox xəstəliklərdən qorunmağın mümkün olduğunu vurğulayıb.

 

Yekunda iştirakçıların sualları cavablandırılıb və onlara maarifləndirici materiallar paylanılıb.