Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.
Rubrikada bu dəfə Zaqatala Rayon Mərkəzi Xəstəxanasının I Təcili Tibbi Yardım şöbəsinin müdiri Şəkəran Bayramova haqqında məlumatları diqqətə çatdırırıq.
Şəkəran Bayram qızı Bayramova 27 noyabr 1985-ci ildə Zaqatala şəhərində doğulub. 2003-2009-cu illərdə Azərbaycan Dövlət Tibb İnstitutunda Müalicə işi ixtisası üzrə ali təhsil alıb. 2009-2010-cu illərdə Zaqatala Rayon Mərkəzi Xəstəxanasının Daxili xəstəliklər şöbəsində terapiya üzrə internatura keçib.
O, 2010-2016-cı illərdə Zaqatala RMX-nın Gözbarax kənd həkim məntəqəsində məntəqə müdiri, 2016-2022-ci illərdə Zaqatala RMX-nın konsultativ Poliklinika şöbəsində sahə həkimi işləyib, 2022-ci ildən I Təcili Tibbi Yardım şöbəsinin müdiri vəzifəsini icra edir.
