Azərbaycan Respublikasının Prezidenti yanında Ali Attestasiya Komissiyasının qərarı ilə Şükürova Aytən Sadiq qızına əczaçılıq elmləri üzrə fəlsəfə doktoru elmi dərəcəsi verilib.

Aztibb.az xəbər verir ki, o, "Phlomis (Odotu) cinsinə aid növlərin farmakoqnostik öyrənilməsi" mövzusunda dissertasiya işini uğurla müdafiə edib.

Dissertasiya işində Azərbaycan florasında geniş yayılan odotu cinsinə məxsus 6 növün ilkin tədqiqi nəticəsində farmakoqnostik tədqiqatlar və yeni dərman vasitələrinin hazırlanması baxımından əhəmiyyətli olan  Ph.pungens və Ph. caucasica bitkiləri müəyyən edilib.

Qeyd edək ki, Aytən Şükürova Azərbaycan Tibb Universitetinin Farmakoqnoziya kafedrasında baş müəllim vəzifəsində çalışır.