Bu gün xalqa xidmət göstərən, peşəsini şərəflə və layiqincə yerinə yetirən Salyan Rayon Mərkəzi Xəstəxanasının həkim-terapevti Fatma Səmədzadənin 70 yaşı tamam olur.

Bu münasibətilə Aztibb.az səhiyyə xəbər portalı adından Fatma Səmədzadəni təbrik edir, ona uzun ömür, fəaliyyətində uğurlar arzu edirik!

Qeyd edək ki, ömrünü tibb sahəsinə həsr edən, işinin peşakarı olan yubilyar fəaliyyəti dövründə həm Salyan Rayon Mərkəzi Xəstəxanasının kollektivi, həm də vətəndaşlar arasında böyük hörmət qazanıb. O, üzərinə düşən öhdəlikləri layiqincə yerinə yetirib, yüksək insani keyfiyyətləri ilə seçilib.

Fatma Səmədzadə 70 illik yubileyi münasibətilə xəstəxananın rəhbərliyi tərəfindən təşəkkürnamə ilə təltif edilib.