TƏBİB-in dəstəyi, Azərbaycan Minimal İnvaziv Cərrahlar Cəmiyyətinin təşkilatçılığı ilə Ulu Öndər Heydər Əliyevin anadan olmasının 100 illiyinə həsr edilən VI Azərbaycan Alman Türk Tibb Konqresi və VIII Bakı Beynəlxalq Tibbi Treyninq Günləri davam edir.

Bu barədə Aztibb.az-a TƏBİB-dən məlumat verilib.

Ümumilikdə 400 nəfərdən çox iştirakçı üçün professor Qurbanxan Müslümov tərəfindən icra edilən laparoskopik xolesistektomiya əməliyyatı canlı olaraq nümayiş olunub, auditoriyadan səsləndirilən suallar cavablandırılıb.

Daha sonra TƏBİB-in tabeliyindəki Lənkəran Rayon Mərkəzi Xəstəxanasında "Endoskopiya", "Kardiologiya", "Dioqnostik və müalicəvi USM", "Tibb bacısı və tələbə kursları", "Lazer Proktologiya", TƏBİB-in tabeliyindəki Masallı Rayon Mərkəzi Xəstəxanasında "Nefrologiya və dializ", "Radiologiya", Təcili Tibbi Yardım", TƏBİB-in tabeliyindəki Astara Rayon Mərkəzi Xəstəxanasında isə "Ginekologiya", "Travmatologiya-ortopediya" yarımbaşlıqları altında tanınmış yerli, eyni zamanda xarici mütəxəssis həkimlərin iştirakı ilə panel diskusiyaları və ustad dərsləri keçirilib.