Sumqayıt Tibb Mərkəzinin (STM) Perinatal Mərkəzində Qubadan təxliyyə olunan yenidoğulmuş körpənin göz əlilliyinin qarşısı alınıb.

STM-dən Aztibb.az-a bildirilib ki, müayinə zamanı Quba rayonundan təxliyə olunan körpədə retinapatiya (torlu qişanın müxtəlif mənşəli olan zədələnməsi) aşkarlanıb. 

Akademik Zərifə Əliyeva adına Milli Oftalmologiya Mərkəzinin vitreoretinoloqu Tərlan Əliyeva körpədə yaranan problemin aradan qaldırılması istiqamətində müvafiq prosedurlar həyata keçirilib. Körpə VEQF inyeksiya olunub. İndirekt oftalmoskop vasitəsi ilə müəyyən olunan görmə əlilliyinin qarşısı alınıb.

Qeyd edək ki, STM-in Perinatal Mərkəzi indirekt oftalmaskop cihazı ilə təchiz edilib. Cihaz vasitəsi ilə risk qrupuna daxil olan yenidoğulmuş körpələrin göz dibi müayinə edilir, görmə əlilliyinin qarşısı alınır. 

Körpələr protokol üzrə ROP müayinədən keçirilir. Regionlardan da yenidoğulmuşlar STM-in Perinatal Mərkəzinə bu müayinə üçün cəlb olunur.