“Həkimlərimizi tanıyaq!” rubrikamızda yüzlərlə insanı sağlamlığına qovuşduran Mingəçevir Şəhər Mərkəzi Xəstəxanasının Poliklinika şöbəsinin həkim-qastroenteroloqu Mahir Mayılov haqqında məlumatları diqqətinizə çatdırırıq.

Mahir Müzəffər oğlu Mayılov 1962-ci ildə Mingəçevir şəhərində anadan olub. 1983-1989-cu illərdə N.Nərimanov adına Azərbaycan Tibb İnstitutunun 2-ci Müalicə-profilaktika fakültəsində təhsil alıb. 1989-1990-cı illərdə Mingəçevir ŞMX-nın Reanimasiya şöbəsində internatura keçib. 1990-1993-cü illərdə həmin şöbədə reanimatoloq işləyib.

O, 1993-1994-cü illərdə Mingəçevir ŞMX-nın Reanimasiya şöbəsinin müdiri vəzifəsində çalışıb. 1994-1997-ci illərdə 1-ci Qarabağ uğrunda gedən döyüşlərdə N saylı hərbi hissənin hospitalında Reanimasiya şöbəsinin rəisi vəzifəsini icra edib. 1997-ci ildə hərbidən təxris olunduqdan sonra Mingəçevir ŞMX-nın Reanimasiya şöbəsində fəaliyyətini davam etdirib. 1999-cu ildə Həkimləri Təkminləşdirmə İnstitutunda Şüa diaqnostika ixtisası üzrə kurs keçərək qastroenteroloq-endoskopist ixtisasına yiyələnib. Mahir Mayılov 1999-cu ildən Mingəçevir Şəhər Mərkəzi Xəstəxanasında qastroenteroloq-endoskopist vəzifəsində çalışır.