Səhiyyə Nazirliyinin İctimai Səhiyyə və İslahatlar Mərkəzi və TƏBİB-in təşkilatçılığı ilə Lənkəran Regional Perinatal Mərkəzdə Azərbaycanda kişilərin antenatal qayğı və uşaq baxımına cəlb edilməsi üzrə tibb işçiləri üçün təlimlərə start verilib.

 

Lənkəran Regional Perinatal Mərkəzdən Aztibb.az-a bildirilib ki, 2021-ci ildən başlamış lahiyənin davamlılığını təmin etmək məqsədi ilə işçi qrupu tərəfindən Lənkəran və digər şəhərlərdə 100-dən çox səhiyyə mütəxəssisi üçün ailə planlaşdırılması, antenatal qayğı, perinatal və zahılıq dövrlərində qayğı, yenidoğulanlara qayğı mövzularında canlı və virtual təlimlərin və əhali üçün maarifləndirici seminarların təşkili planlaşdırılır. Proqram ailədə və cəmiyyətdə kişi və qadın rollarına dair stereotiplərə meydan oxuyaraq və gender əsaslı zorakılığın aradan qaldırılması istiqamətində fəaliyyət göstərərək qadınlar və kişilər üçün bərabər hüquq və imkanları gücləndirməyi hədəfləyir.

 

Qeyd edək ki, proqram regional səviyyədə altı ölkədə - Gürcüstan, Azərbaycan, Ermənistan, Moldova, Belarus və Ukraynada həyata keçirilir.