Azərbaycan Tibb Universiteti (ATU) ilə Türkiyənin İğdır Universiteti arasında əməkdaşlıq memorandumu imzalanıb.

Aztibb.az-a bu barədə ATU-dan məlumat verilib.

Bildirilib ki, əsas məqsədi akademik mübadilə və əməkdaşlığın genişləndirilməsindən ibarət olan Memorandum iki universitet arasında Tibb bacısı ixtisası üzrə tələbə-müəllim mübadiləsi, birgə layihələrin icrasını, ikili diplom məsələsində əməkdaşlığı və digər önəmli məqamları nəzərdə tutur.

ATU-nun rektoru, professor Gəray Gəraybəyli və İğdır Universitetinin rektoru, professor Mehmet Hakkı Almanın iştirakı ilə keçirilən görüşdə bu əməkdaşlığın, iki ali məktəbin elmi və təcrübi biliklər mübadiləsi aparması, peşəkar tibb kadrlarının hazırlanması baxımından önəmi qeyd edilib. Rektorlar Azərbaycan və Türkiyə arasında bütün sahələrdə, o cümlədən tibb sahəsində qarşılıqlı faydalı əlaqələrin mövcudluğundan məmnunluğunu bildirərək, bu qardaş münasibətlərinin yüksələn xətlə inkişaf etdiyini söyləyiblər.