Tovuz Rayon Mərkəzi Xəstəxanası tərəfindən Ümummilli Lider, görkəmli siyasi xadim, müstəqil Azərbaycan dövlətinin qurucusu Heydər Əliyevin anadan olmasının 100 illiyi münasibətilə tədbir təşkil olunub.

Bu barədə Aztibb.az-a Rayon Xəstəxanasından məlumat verilib.

Əvvəlcə Ümummilli Lider Heydər Əliyevin və Azərbaycan Respublikasının suverenliyi və müstəqilliyi yolunda canlarından keçmiş qəhrəman övladlarımızın əziz xatirəsi bir dəqiqəlik sükutla anılıb.

Tədbiri giriş sözü ilə açan Tovuz RMX PHŞ-nın direktoru Paşa Muradov Heydər Əliyevin şah əsəri olan müasir Azərbaycanın Ulu Öndərin rəhbərliyi altında keçdiyi inkişaf yolu, əsasını qoyduğu siyasi kursun ölkə başçısı İlham Əliyev tərəfindən müvəffəqiyyətlə davam etdirilməsi barədə ətraflı məlumat verib.

O, Heydər Əliyevin doğma xalqı və Vətəni yolunda müstəsna xidmətlərindən söhbət açaraq dahi liderin canından çox sevdiyi Azərbaycanın işıqlı gələcəyi naminə mühüm addımlar atdığını və bu siyasi gedişlərin nəticəsi özünü bugünkü müstəqil, güclü, dünyanın iqtisadi və təhlükəsizlik arxitekturasının formalaşmasında önəmli rolu olan Azərbaycanın nümunəsində tapdığını qeyd edib.

Daha sonra Heydər Əliyevin fəaliyyətinə həsr olunmuş videoçarx nümayiş etdirilib.

Sonda Tovuz Rayon Mərkəzi Xəstəxanasının direktoru Paşa Muradov və Tovuz rayon YAP sədri Nihat Pənahov tərəfindən işlərində fəallıq göstərən bir qrup tibb işçisinə Fəxri fərmanlar təqdim edilib.