Öskürək adətən yuxarı tənəffüs yolu infeksiyası yaxud bronxit kimi ağciyər qaynaqlı səbəblərdən yarandığı üçün ciddi əlamət kimi qəbul etmirik. Lakin gizli ürək çatışmazlığında öskürək önəmli bir əlamət ola bilər!

Aztibb.az xəbər verir ki, bu barədə Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev məlumat verib.

Həkim ürək çatışmazlığında öskürəyin xüsusiyyətlərini sadalayıb:
Öskürək adətən yatdığınız zaman yaranır, ayağa qalxdıqda və ya oturduğunuz zaman yüngülləşir;
Öskürəklə birlikdə çəhrayı rəngli bəlğəm görə bilərsiniz;
Öskürərkən və ya nəfəs verərkən fi t səsi çıxa bilər;
İstirahət zamanı və ya yatarkən nəfəs darlığı və nəfəs almaqda çətinlik yaranır.

Onun sözlərinə görə, ürək çatışmazlığının müalicəsində erkən diaqnoz və müalicə vacibdir. Bu səbəbdən əlamətlərə diqqət edin!