Aztibb.az-ın "Həkimlərimizi tanıyaq!“ rubrikasında bu dəfə Nizami Tibb Mərkəzinin Təcili tibbi yardım şöbəsinin müdiri Cəmaləddin İsgəndərlidən bəhs edəcəyik.

Cəmaləddin Hüseyn oğlu İsgəndərli 20 dekabr 1955-ci ildə Naxçıvan Muxtar Respublikasının Ordubad rayonunda anadan olub. 1977-1983-cü illərdə N.Nərimanov adına Azərbaycan Dövlət Tibb İnstitutunda Müalicə işi ixtisası üzrə təhsil alıb.

O, 1981-1983-cü illərdə F.Əfəndiyev adına 4 nömrəli Şəhər Klinik xəstəxanasının Qəbul bölməsində tibb qardaşı kimi fəaliyyət göstərib. 1983-1984-cü illərdə 2 nömrəli Şəhər Klinik xəstəxanasında həkim-interna, 1984-1989-cu illərdə Ordubad Rayon Mərkəzi Xəstəxanasında baş həkim vəzifələrində çalışıb. 1989-cu ildə Azərsutikinti xəstəxanasının Qəbul bölməsində işləyib, 2018-ci ildə həmin xəstəxanada baş həkimin müavini kimi fəaliyyət göstərib. 2018-ci ildə həkimə Qəbul şöbəsinin müdiri və baş həkimin müavini vəzifəsinin icrası həvalə edilib. Cəmaləddin İsgəndərli 2020-2022-ci illərdə Qəbul şöbəsinin müdiri vəzifəsində çalışıb. 2022-ci ildən “Nizami Tibb Mərkəzi” PHŞ-in Təcili tibbi yardım şöbəsinin müdiridir.