Mərkəzi Gömrük Hospitalından Aztibb.az-a bildirilib ki, Dövlət Gömrük Komitəsinin Kinoloji Mərkəzinin rəisi, gömrük xidməti polkovniki İlkin Osmanov müasir dövrün əsas problemlərindən biri olan narkomaniya ilə mübarizədə gömrük əməkdaşlarının rolu, o cümlədən Kinoloji Mərkəzin bu istiqamətdə həyata keçirdiyi mübarizə tədbirləri barədə təlim iştirakçılarına məlumat verib.

Daha sonra Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin mütəxəssisləri - gömrük xidməti baş leytenantı Azad Əhmədov və gömrük xidməti leytenantı Şəhla Mirzəzadə müvafiq olaraq “Saxta dərman vasitələri və onların yayılmasına qarşı mübarizə” və “Narkotik vasitələr və psixotrop maddələr: müasir dünyanın qlobal çağırışı” mövzularında təqdimatlarla çıxış ediblər. Onlar mövzu üzrə auditoriyanın suallarını cavablandırıblar.