Kembric Universitetinin professoru, Kembric şəhərində yerləşən Tibbi Tədqiqatlar Şurasının (MRC) Molekulyar Biologiya İnstitutunun Hesablama struktur biologiyası qrupunun rəhbəri, ETN Molekulyar Biologiya və Biotexnologiyalar İnstitutunun (MBBİ) Hesablama struktur biologiyası beynəlxalq laboratoriyasının müdiri, professor Qərib Mürşüdov MBBİ-nin I kurs magistrantlarına “Biostatistika” və “Struktur biologiyanın üsulları” ixtisas kursundan mühazirələr keçib.
Bu barədə Aztibb.az-a MBBİ-dən bildirilib.
Mühazirələrdə magistrantlardan əlavə, institutun doktorant və dissertantları da iştirak ediblər.
Qeyd edək ki, Qərib Mürşüdov mühazirələrini açıq dərs şəklində “Zoom” platforması üzərindən aparır və maraqlanan hər kəs bu dərslərdən faydalana bilər.
