“Həkimlərimizi tanıyaq!” rubrikamızda saytımızın oxucularına Respublika Kliniki Uroloji Xəstəxanasının Ümumi urologiya şöbəsinin müdiri Rüstəm Şibliyev haqqında məlumatları təqdim edirik.
Rüstəm Qudbiddin oğlu Şibliyev 1982-ci ildə Balakən rayonunda anadan olub. 1999-2005-ci illərdə Azərbaycan Tibb Universitetinin Müalicə işi fakültəsində təhsil alıb. 2005-2006-cı illərdə isə Rusiya Federasiyasının Sankt-Peterburq şəhərində Tibb Akademiyasında ümumi cərrahiyə üzrə internatura keçib.
O, 2006-2008-ci illərdə Sankt-Peterburq şəhərində yerləşən İ.İ.Meçnikov adına Tibb Akademiyasında urologiya üzrə ordinatura, 2008-2011-ci illərdə aspirantura keçib və 2011-ci ildə tibb üzrə fəlsəfə doktoru elmi adını alıb.
Rüstəm Şibliyev 2012-2022 illərdə Sankt-Peterburq şəhərində Skandinaviya klinikasında həkim-uroloq vəzifəsində işləyib. 2022-ci ilin iyun ayından etibarən Akademik Mirməmməd Cavadzadə adına Respublika Kliniki Uroloji Xəstəxanasında Ümumi urologiya şöbəsinin müdiri və həkim-uroloq kimi fəaliyyət göstərir.