Elm adamları yuxu problemi olanların insult keçirmə ehtimalının daha yüksək ola biləcəyini müəyyən ediblər.

Aztibb.az bu barədə medimagazin.com.tr-yə istinadla xəbər verir.

"Neurology" tibb jurnalında dərc edilən araşdırmada müxtəlif qiymətləndirmələr vasitəsilə yuxu problemləri və insult riski arasındakı əlaqə diqqət mərkəzində olub.

İrlandiyanın Galway Universitetindən bir qrup elm adamı tərəfindən aparılan beynəlxalq araşdırmada insult keçirən 2 min 243, insult keçirməyən 2 min 253 adam araşdırmaya daxil edilib. 

Orta yaş həddi 62 olan iştirakçılardan yuxu davranışları, neçə saat yatdıqları, yuxu keyfiyyəti, yuxululuq, xoruldama, burun nəfəsi və yuxu zamanı nəfəs almaları soruşulub.

Tədqiqatda çox az və ya çox yatan insanların insult keçirmə ehtimalı orta vaxt ərzində yatan insanlara nisbətən daha yüksək olub.

Məlum olub ki, gündə 5 saatdan az yatan insanların insult keçirmə ehtimalı orta hesabla 7 saat yatanlara nisbətən 3 dəfə çoxdur. 9 saatdan çox yatanların insult keçirmə ehtimalı isə 7 saat yatanlara nisbətən iki dəfədən çoxdur.

Bir saatdan çox yatanların insult keçirmə ehtimalı, yatmayanlara nisbətən yüzdə 88 faiz daha yüksəkdir.