Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.
Aztibb.az-ın "Həkimlərimizi tanıyaq!" rubrikasında bu dəfə oxuculara Tərtər Rayon Mərkəzi Xəstəxanasının direktoru Sərxan Cəlahanini təqdim edirik.
O, 12 aprel 1981-ci ildə Sumqayıt şəhərində anadan olub. 1999-2005-ci illərdə Azərbaycan Tibb İnstitutunun II Müalicə-profilaktika fakültəsində təhsil alıb.
Sərxan Cəlahani 2006-2008-ci illərdə Bərdə RMX-da TTYS-da həkim terapevt, 2008-2012-ci illərdə həkim anestezioloq, 2012-2016-ci illərdə Doğum evində həkim-reanimatoloq, 2016-2022-ci illərdə isə Bərdə RMX-nın Doğum evində Reanimasiya şöbəsinin müdiri vəzifələrində çalışıb. 2022-ci ildən Tərtər Rayon Mərkəzi Xəstəxanasının direktorudur.
Təcrübəli həkim tibb sahəsində çalışdığı 17 illik əmək fəaliyyəti dövründə bütün kollektivlərdə yüksək təşkilatçılıq qabiliyyəti, peşəkarlığı və səmimiliyi ilə seçilib.