“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, İsmayıllı Rayon Mərkəzi Xəstəxanasının Reanimasiya şöbəsinin müdiri Firidun Ağayev haqqında məlumatları təqdim edirik.
Firidun Hacı oğlu Ağayev 1956-cı ildə Ermənistan Respublikası Vardenis rayonu Nərimanlı kəndində anadan olub. 1978-1984-cü illərdə ATU-nun Müalicə və profilaktika fakültəsində təhsil alıb. 1984-1985-ci illərdə Xaçmaz RMX-da interantura keçib.
O, 1985-1987-ci illərdə Siyəzən Rayon Mərkəzi Xəstəxanasında həkim-terapevt vəzifəsində çalışıb. 1987-1993-cü illərdə İsmayıllı rayon Kürtmaşı kəndində həkim-terapevt işləyib. 1993-cü ildən İsmayıllı RMX-nın Reanimasiya şöbəsində anestezioloq kimi fəaliyyət göstərib, 2015-ci ildən isə Reanimasiya şöbəsinin müdiridir.