Oğuz Rayon Mərkəzi Xəstəxanasında Tibbi şuranın növbəti iclası keçirilib.

Aztibb.az-a Xəstəxanadan verilən məlumata görə, iclasda şuranın tərkibi təyin edilib.

Tibbi şuranın iclasında hamiləlik, doğuş, zahılıq dövrlərində ana ölümü, erkən neonatal dövrdə körpələrin ölümü, ağırlaşmış doğuş hallarının və uşaqlar arasında baş vermiş ölüm hallarının təhlili, uşaqlara göstərilən tibbi xidmətin keyfiyyətinin qiymətləndirilməsi kimi məsələlər müzakirə olunub, eyni zamanda 2022-ci ilin yekunu və 2023-cü ilin hesabatları dinlənilib.

Tədbirdə Oğuz RMX-nin direktoru Anar Əzizov, inzibati işlər üzrə müavin İradə Məmmədova, müalicə işləri üzrə müavin - baş həkim Şəlalə Tahirova, ilkin səhiyyə xidmətinin rəhbəri Nəzakət Qədirova, eləcə də Oğuz RMX-nın tabeliyində olan kənd tibb məntəqələrinin mamaları və tibb işçiləri iştirak ediblər.

Şurada mama-ginekoloji xidmətlərə dair də müzakirələr aparılıb. Kənd tibb məntəqələrinin işçiləri müzakirə olunan məsələlər barədə fikirlərini bildiriblər.