Aztibb.az-ın "Həkimlərimizi tanıyaq!" rubrikasında Vətən müharibəsi iştirakçısı, Lənkəran Rayon Mərkəzi Xəstəxanasının Cərrahiyyə şöbəsinin müdiri Nazim Kəlbiyev haqqında məlumatları təqdim edirik.
Nazim Əfladdin oğlu Kəlbiyev 2 iyul 1978-ci ildə Lənkəran şəhərində anadan olub. 1995-2001-ci illərdə Azərbaycan Dövlət Tibb Universitetinin II Müalicə profilaktika fakültəsində ali təhsil alıb. 2001-2022-ci illərdə internatura keçib.
O, 2002-ci ildə Ağdam-Ağcabədi istiqamətində həqiqi hərbi xidmətdə olub. 2004-cü ildə hərbi xidmətdən təxris olunub.
2004-cü ildə Lənkəran Rayon Mərkəzi Xəstəxanasının Cərrahiyyə şöbəsində həkim cərrah kimi fəaliyyətə başlayıb. 2011-ci ildə həmin şöbənin müdiri təyin olunub.
Nazim Kəlbiyev Azərbaycanın ərazi bütövlüyünün təmin edilməsi uğrunda döyüş əməliyyatlarına qatılıb və böyük fədakarlıq göstərib. O, 27.09.2020 - 10.11.2020-ci il tarixilərində Füzuli, Cəbrayıl, Xocavənd istıqamətlərində gedən döyüşlərdə iştirak edib.
