Salyan Rayon Mərkəzi Xəstəxanasında Ümummilli Lider Heydər Əliyevin anadan olmasının 100 illiyi ilə əlaqədar “Azərbaycan səhiyyəsinin inkişafında Heydər Əliyevin rolu” mövzusunda tədbir keçirilib.
Aztibb.az-a Xəstəxanadan verilən xəbərə görə, öncə Ulu Öndər Heydər Əliyevin əziz xatirəsi bir dəqiqəlik sükutla yad edilib, dahi liderin həyat və fəaliyyətinə həsr olunan vidioçarxa baxış keçirilib.
Tədbirdə ölkəmizdə səhiyyənin inkişafı və tibbi kadrların hazırlanması sahəsində Ulu Öndər Heydər Əliyevin xidmətləri, eləcə də əhalinin sağlamlığının qorunması, sağlamlıq hüququnun müdafiəsi istiqamətində həyata keçirilən tədbirlər və görülən işlərdən bəhs edilib. Vurğulanıb ki, Heydər Əliyev şəxsiyyəti xalqımızın həyatında, müstəqil dövlətçilik tariximizdə misilsiz yerə sahib olmaqla birlikdə həm də Azərbaycan səhiyyəsinin və tibb elmi sisteminin yaradıcısı və dinamik inkişafının tənzimləyicisi kimi yaddaşlara əbədi həkk olunub.