Saatlı Rayon Mərkəzi Xəstəxanasının Poliklinika şöbəsinin müdiri Adil Mürsəlovun 65 yaşı tamam olur.

Aztibb.az xəbər verir ki, Adil Mürsəlov 8 aprel 1958-ci ildə Saatlı rayonunda anadan olub. 1979-1985-ci illərdə Azərbaycan Tibb Universitetində Müalicə profilaktika ixtisası üzrə baza ali təhsili alıb.

O, 1983-1985-ci illərdə Bakı şəhər 13 nömrəli Təcili yardım stansiyasında tibb qardaşı, 1985-1986-cı illərdə həkim interna işləyib. 1986-1992-ci illərdə Saatlı Rayon Mərkəzi Xəstəxanasında Təcili yardım şöbəsində həkim, 1992-2001-ci illərdə Reanimasiya şöbəsinin müdiri, 2001-2005-ci illərdə baş həkim vəzifələrində çalışıb.

Adil Mürsəlov 2005-2017-ci illərdə İmişli Dəmiryol Xəstəxanası - Saatlı ambulatoriyasında Terapiya şöbəsinin müdiri işləyib. 2021-ci ildən Saatlı Rayon Mərkəzi Xəstəxanasında Poliklinika şöbəsinin müdiridir.