Ölkəmizdə 2023-cü ilin “Heydər Əliyev İli” elan edilməsi ilə əlaqədar tərtib edilmiş Tədbirlər planına uyğun olaraq TƏBİB-in tabeliyində olan Pirallahı Tibb Mərkəzinin təşkilatçılığı ilə “Hərəyə bir ağac əkək" adlı ağacəkmə aksiyası keçirilib.

Mərkəzdən Aztibb.az-a bildirilib ki, aksiya çərçivəsində tibb müəssisəsinin inzibati ərazisində 100 ədəd şam ağacı və qızılgül kolları əkilib.

Aksiyada Pirallahı Tibb Mərkəzinin direktoru Azər Zeynalov, direktor müavinləri Gözəlova Fəranə, Elşən Həşimov və müəssisənin digər işçiləri fəallıq göstəriblər.

Aksiyanın əsas məqsədi ərazinin ekoloji tarazlığının bərpasına, ekoloji mühitinin sağlamlaşdırılmasının sürətlənməsinə, mövcud torpaq qatının münbitləşdirməsinə töhfə vermək, insanlar arasında ekoloji mədəniyyəti, təbiətə qayğı hissini təbliğ etməkdən ibarətdir.