İcbari Tibbi Sığorta Agentliyinin filial rəhbərlərinə "İcbari tibbi sığorta çərçivəsində tibbi xidmətlərin göstərilməsi prosesinin monitorinqinin ümumi prinsipləri" mövzusunda təlim keçirilib.

Agentlikdən Aztibb.az-a bildirilib ki, tibbi planlama departamentinin Monitorinq, Göndərişlər və Regional mərkəzlərlə iş şöbələrinin əməkdaşları tərəfindən təşkil edilən təlimdə iştirakçılar TƏBİB-in tabeliyində fəaliyyət göstərən və Agentliklə müqavilə bağlayan özəl tibb müəssisələrində monitorinqlərin aparılma qaydası ilə tanış olmaq imkanı qazanıblar.

Təlimdə Tibbi planlama departamentinin rəhbəri Hikmət İbrahimli və departamentin əməkdaşları Bəyalı Məmmədov, Arif Əkbərov, Emin Hüseynov və Kamran İbrahimov filial rəhbərlərinə monitorinqlərin Agentliyin təməl prinsiplərinə əsasən aparılması, tibb müəssisələrində sığorta işinin təşkili, tibbi xidmətlərə göndərişlərin verilməsi qaydaları və digər mövzular haqqında məlumat verib və iştirakçıların suallarını cavablandırıblar.