Şuşa Rayon Mərkəzi Xəstəxanasında Azərbaycan Respublikasında 2023-cü ilin "Heydər Əliyev İli" elan edilməsi ilə əlaqədar tədbir keçirilib.

 

Aztibb.az-a Xəstəxanadan verilən məlumata görə, tədbirdə müəssisənin direktoru Kəmalə Səfərova "Heydər Əliyev və səhiyyə" mövzusunda məruzə ilə çıxış edib. Direktor Heydər Əliyevin Azərbaycanın bütün sahələrdə inkişafı və tərəqqisi üçün gördüyü işlərdən ətraflı danışaraq bildirib ki, Ulu Öndər hər gün xatırlanır, hər gün anılır. 

 

Kəmalə Səfərova qeyd edib ki, Ümummilli Lider Heydər Əliyevin əhalinin sağlamlığının mühafizəsinə, millətin genefondunun qorunmasına, gələcəyinin təmin edilməsinə verdiyi töhfələr çoxşaxəli olmuşdur.

 

Diqqətə çatdırılıb ki, Ulu Öndər hər zaman tibb işçilərinə böyük qayğı göstərmiş və çıxışlarında həkimlik peşəsinin öz xalqına, sənətinə yüksək sədaqət tələb edən bir iş olduğunu vurğulayırdı. Məhz onun ölkəyə rəhbərliyi dövründə müasir səhiyyə ocaqlarının istifadəyə verilməsinə başlandı. Nəinki paytaxt Bakıda, ən ucqar regionlarda, kəndlərdə belə ən müasir tibbi mərkəzlər yaradıldı ki, bu mərkəzlərdə tibb işçilərinin fəaliyyəti üçün geniş imkanlar vardı.