Agentlikdən Aztibb.az-a bildirilib ki, Ümumdünya Səhiyyə Təşkilatının (ÜST) Səhiyyə Sisteminin Maliyyələşdirilməsi üzrə Barselona Ofisi tərəfindən ÜST-nin Baş Qərargahının dəstəyi ilə həyata keçirilən tədbirdə çıxış edən N.Bayramova səhiyyə hesabları sisteminin Azərbaycanda tətbiqi ilə bağlı artıq müəyyən işlərə başlanıldığı deyib.

 

 Səhiyyə hesabları sisteminin əhəmiyyətindən danışan İdarə Heyəti sədrinin müavini bildirib ki, bu sistem ölkəmizdə səhiyyənin maliyyələşməsi sisteminin inkişaf etdirilməsi, məlumatların toplanması, şəffaflığın artırılması və gələcəkdə səhiyyənin maliyyələşmə mexanizmlərinin genişləndirilməsinə dəstək ola bilər: "Bununla bağlı Azərbaycanın müvafiq dövlət strukturları ilə konfransda iştirak edirik, birlikdə yaratdığımız işçi qrupu səviyyəsində milli səhiyyə hesablarının Azərbaycanda tətbiqinə dəstək olmağa hazırıq. Dəstəyə görə ÜST-yə təşəkkürümü bildirirəm və əməkdaşlığımızın genişlənəcəyinə ümid edirəm".

 

16 Şərqi Avropa və Mərkəzi Asiya ölkəsindən 80-ə yaxın iştirakçının qatıldığı görüşdə Azərbaycan Respublikası Maliyyə Nazirliyi, Azərbaycan Respublikası Səhiyyə Nazirliyi, TƏBİB və Dövlət Statistika Komitəsinin nümayəndələri də iştirak ediblər.