İcbari Tibbi Sığorta üzrə Dövlət Agentliyi Azərbaycan Respublikası Elm və Təhsil Nazirliyi ilə birlikdə Məktəblinin Dostu layihəsinin iştirakçıları üçün "İcbari tibbi sığortadan istifadə qaydaları" mövzusunda təlimlər təşkil edib.

Agentlikdən Aztibb.az-a bildirilib ki, açılış nitqi ilə çıxış edən Agentliyin İdarə Heyəti sədrinin müşaviri Nelli Veysova və elm və təhsil nazirinin müşaviri Rüstəm Ağayev iştirakçılara uğurlar arzulayıb.

Təlimlərdə Agentliyin əməkdaşları Aynurə Əhmədova, Pərvin Baxşəliyeva, Emil Lətifov və Fuad Bayramov təqdimatla çıxış edib və mövzu ilə bağlı sualları cavablandırıblar.

Yekununda iştirakçılara sertifikatlar təqdim olunub. Növbəti mərhələdə sertifikat əldə edən məktəblinin dostlarının iştirakı ilə təhsil müəssisələrində icbari tibbi sığorta mövzusunda maarifləndirmə işlərinin aparılması nəzərdə tutulub.